أقلكوا إيه بس أبويا و أمي بقوا في حالة بائسة ..... أمي وصلت لمرحلة بقت بتكلم نفسها و بتشتكي للعصافير اللي في بلاكونة ...و أبويا بقى بيشتكي للست سنية الكشرية !!! يعني الراجل بقالوا 50 سنة مستحملها و مستحمل شكويها ...لكن تقول إيه يا جبل تهدك ريييييييييييح ( الست دي مش حترتاح غير لما تجيبلنا كلنا إكتئاب ) دخلت على أمي في ليلة من ذات الليالي و لاقيتها بتكلم شركس ...و بتقلوا: أعمل فيها إيه بس يا شركس ؟؟ شايف البنات كلها بتنطط حوليها و هي قاعدة زي ستيتة ؟؟ طب أوديها لدكتور غصب عنها ...؟ أعمل إيه بس يا إخوااااتي ؟؟ و كالعادة مدهاش شركس عقاد نافع غير زقزقة ( ما أصل شركس ده العصفور بتاعي و صديقي الصدوق :)) , أما بابا فأفشته مرة بيكلم الست سنية الكشرية و بيقولها : أنا خايف أوي عليها يا حاجة لا يجلها زبحة صدرية أو نوبة قلبية و لا تتزف في الشوارع ..و لا تعاني من الصغط و السكر و نزيف في المخ .....يا ست سنية حياة زنوبة على المحك !!! ( معلش يا إخونة أبويا ضليع أوي في اللغة العربية :)) أكيد أنا عارفة حجم قلقكوا عليه :) طب يا جماعة صبركوا عليه ؟!! يرضيكوا أصطبح الصبح بوش حماقة ( أخويا ) و ألاقي بيغني أغنية عههعههه بكرها عمى و يقولي : صباح الخير ، هو القطر زاد كام سنتي من إمبارح ؟!! يا فتااااح يا عليم يا رزاق يا كريم !! أصطبحنا و أصطبح الملك لله !! أنزل الشارع ، أستنى صاحبتي قدام المترو ... و ألاقيلكوا الواد البياع متنحلي..... يوووه عاوز إيه ده كمان ؟؟ هو يوم باين من أوله أسود !!! ( و بسبب نصايح الست سنية ...يعني اللي يطنحلك ده يا هيخطفك يا حيسرقك !!) ده بيقترب بيقتربب بيقترررررررررررب علينا ....قلت أزق عجلي و أهو الفرصة المترو مليان عالم زي الرز ...إذ فجأة ألاقي واحد بيقولي : إيه يا بطة ؟ ....جتك نيلة روح أستحمى الأول ....أرجع من الكلية بعد المعركة مع حماقة و البياع السريح عشان ألاقيكلوا البومة و قفا على قفاية ...طونط سكينة عندنا في بيتنا ...يا مرحبا يا مرحبا ... لأ و إيه معاها بنتها بدرية المعصعصة و بعد التحية و السلام : لأ لأ لأ لأ يا زنوبة ملكيش حق أبداً حد يسيب نفسه كده ..طب حد يبقى شكله كده !! زنوبة كده مش حعرف أجبلك عريس ( أصلي نسيت أقلكوا هي تقريباً و الله أعلم بتشتغل خاطبة بعد الدهر ) .... و على آخر السهرة الشنيعة أقصد اللذيذة مع سكينة و بدرية ...أقفل عليه أودتي و أشوف قدامي يومي ...البياع السريح ، و طونط سكينة ....ماما و هي بتكلم شركس و بابا و هو بيشتكي لسنية الكشرية ....و أعود أعيط....لأ و إيه اللي زاد و غطى أني سامعة الأغنية اللي كان حماقة بيغنهالي في وداني ......يرضيكوا كده أصطبح على الصبح على : أحلى واحدة في الحفلة زنوبة الطخيييييينة !!!
-------------------------------------------------------------------------------------------------
مرسي لكل الناس اللي سالت عليه الفترة اللي جايه و مرسي أنكوا منستنونيش مع أني مكنتش بنزل بوستات و إنشاء الله حنزل بوستات لأنكوا بجد وحشتوووني كلكوا :))) وحشااااني يا محاااااااااااااسن :))
-------------------------------------------------------------------------------------------------
مرسي لكل الناس اللي سالت عليه الفترة اللي جايه و مرسي أنكوا منستنونيش مع أني مكنتش بنزل بوستات و إنشاء الله حنزل بوستات لأنكوا بجد وحشتوووني كلكوا :))) وحشااااني يا محاااااااااااااسن :))
RSS Feed (xml)
هناك 41 تعليقًا:
هههههههههههههههه
انا عن نفسي يرضيني مش يرضيني ليه هو انا اللي بيتعمل فيا كده
:d
ليكي تاج عندي
ممممم
تاج ايه تيجااااان
تحياتي
هههههههههه.أسلوبك الساخر لذيذ أوي يا زينب
في إنتظار المزيد من المواضيع
تحياتي
حمدا لله على السلامة
بوست لذيذ والله
فى إنتظار مواضيعك الجديدة
تقبلى تحياتى
دمتى بود
الاخت الغالية زينب
اول تعليق ليا فى مدونتك
وبصراحة موضوع تحفة
اتمنالك كل التوفيق
والبحث عن زنوبة فى التعليقات
كل الحب والتقدير
اسير الجراح
هههههههههههههههههههههههههههههههه
جميل قوى بوستك يا قمر واسلوبك هايل وساخر الى ابعد الحدود
بوست جميل جدا يا قمر
عاااااااااااااااااااااااااااااااااااااااااا
مين سنيه الكشريه دى ..مين سنيه الكشريه دى
عاااااااااااااااااااااااااااااااا
حاولت اعرف من البوست لكن انتى عرفتى الكل ماعدا سنيه الكشريه
مين سنيه الكشريه دى
عاااااااااااااااااااااااااااااااااااااااا
و على راى حسن حنفى
انا عن نفسي يرضيني طبعا مش يرضيني ليه هو انا اللي بيتعمل فيا كده
ههههههههههههههههههههههههههههه
منتظرة جديده ياقمر و حمد لله على السلامه
بس برضه مين سنيه الكشريه دى
عااااااااااااااااااااااااااااااااااااااااا
هههههههههههههه
لا هو واضح ان الموضوع كبير اوي , واكيد لو عرفنا مين سنيه الكشريه دي خيوط القضيه اتتحل , وانا تصوري ان سنيه الكشريه هي ورا كل المشاكل اللي عندكم , فلازم تتحفظوا عليها حتي تعترف ممممممممممممم
بوست لذيذ اوي بس اللي يهمنا دلوقتي نعرف مين سنيه الكشريه ؟؟؟؟؟؟؟
تحياتي
ايه يا جميل بعد الشر عليكى من العياط انشاله اليى يكرهك ويدايقك
....
يا خراشى زوزتى الغاليه تعيط وبعدين الرشاقه رشاقة القلب
ولا يهمك يا جميل.....
زوزه بعدين انتى اى حد يكلمك قوليله انا فى حماية محاسن وملكيش دعوه
يعنى طانت سنيه مدايقاكى بسهراتها ابعتيهالى وانا بعون الله اخليها تنام من الساعه تمانيه ....
....بس انتا متشغلش بالك يا زوزتى
......
بس والله انتى اليى وحشتينى يا جميله
ربنا ما يحرمنى منك ابدا ابدا ابدا
....
السلام عليكم
انا ع فكره عايز اطلع عليكى اسم تانى
ممكن اقوله ها
خلاص حقوله
انا حاسس انك شبهه المحقق كورمبو
انتى اسلوبك تحفه
و فكرى كده انك تنزلى كتاب ولا حاجه
انتى اكيد عندك كلام كتير تقوليه
و مستنيين منك اللى جاى
___________________________
كان معك من امام الكيبورد
واحد مخه لاسع شويه
شبــ اون لاين ــاب
الاسكندريه
________________________
ازيك يازنوبه
طولتى الغيبه....بس موضوع حلو ودمو خفيف كالعاده
بس بجد الموضوع كله حاجه والصوره اللى فى اوله حاجه لوحدها تحفه وغايه فى خفة الدم
عود حميد
تحياتى
زوزه وحشتينى ...
اخبارك ايه اوعى يكون حد مزعلك يا جميله قوليلى وانا اجيلك بنفسى..لا مش همسك فى خناقه..هطيب خاطرك بحاجه حلوه
اصلى مش بتاعة مشاكل
........
وحشتينى يا زوزتى
خدى فيا ثواب وكبرى الخط شوية
عشان خطرى معلش كبريه
يلا كبريه بقااااا:@
عونيا وجعتنى ومش عارفة اقرا
واااااء
ههههههههه حلو قوى يا ذنوبه
اولا وللمرة العاشرة اعملي حساب الناس اللي عندهم استيجماتيزم زي حالاتي انا خلاص تعبت
ثانيا:نيجي للخناقة بقى
انتي يا زنوبة تغيبي بالشهور لية انا عايزة افهم؟
ابقي اسألي
ليكي تاج عندي من رمضان
ومتزعليس نفسك عشان تخينه يعني
محدش عاجبه حالة التخين ولا الرفيع
بس ابقي اسالي
سلام
ايه يا زنوبة الغيبة دى كلها
حمدلله عل ىالسلامة يا قمر
وحشتينى موووووووووت بجد
بس دمك زى العسل
فى البوست دا
زينب
الجديد نزل ممكن الزيارة
كل الود
اسير الجراح
بوست ساخر و لذيذ
اسلوبك بسيط جدا وعفوي
بصراحه استمتعت كثيرا بقرائة التدوينه
كلي شوق لجديدك..بانتظارك:)
انت لازم تكونى احلا واحده فى الحفله هو احنا عندنا كام ذنوبه
زينب
فى حاجه حصلت عندنا محدش كان متوقعها
تعالى شوفيها وقولى ايه رايك
أولا تحياتى
ثانيا أنا اسمى لبنى باحثة فى مجال الإعلام أقوم بعمل دراسة عن المدونات المصريات من أجل الحصول على درجة الماجستير. و يسعدنى أن تكون مدونتك من ضمن المدونات التى يشملها البحث. . لذا أرجو أن ترسلى لى بريدك الالكترونى حتى اتمكن من إرسال الاستبان و طبيعة الدراسة إليك
رجاءا حارا مدة المشاركة مفتوحة حتى 8 نوفمبر
شكرا لتعاونك
lobnabona@yahoo.com
زنوبة يازنوبة انتى فين كداااوحشتنا بوستاتك وكومنتاتك طمنينا عليكى
زنوبة روح قلبى مش ممكن كده كل ما نزورك نضحك ارحمينا بقى
وبعدين ايه زنوبة التخينة دى انتى غيرتى صفتك ولا ايه
عموما بطلى اكل
حسن حنفي
فرحان أوي بسالمتك فيه ماااااشي يجيلك يوم برده ....بقى أنا جاية أشهدكوا تقوم تقولي كده ماششي يا حسن ربنا يسامحك :)
michael
مرسي أوي على الزيارة و نورتني و أتمنى دوام التواصل إنشاء الله
mohammed galeila
مرسي يا محمد و أتمنى دوام التواصل إنشاء الله
أسير الجراح
منور دايمن إنشاء الله و مرسي على التشجيع
بنت مصرية
ده عشان أنت بس عسولة ربنا يخليك يا جميل و أتمنى دوام التواصل إنشاء الله
ضد التيار
سنية الكشرية دي أحد العقد اللي في حياتي و ده اللي حيتضك من البوستات اللي جابة إنشاءالله
الفارس المثلم
طبعاً الموضوع كبير أوي يا خويه أمال أنا ضربت بشوية :) و سنية الكشرية دي إنشاء الله حتبقى عنصر هام في كل المقالات اللي جاية :))
محاااااسن
أيوة والله أنا حتحامى فيكي بقى و أي حد حيقولي حاجة حقولواااا لأاااااا ده أنا تبع محاسن
Original heart
لوووول أنت دايمن بتشتكي من الخط يا بنتي جيبي عدسة مكبرة أحسن لوووول
شباب أون لاين
كرومبو و كتاب حنه واحددة ده أنت حتخليني مغرورة بقى :))ربنا يخليك يا واحد دماغه لاسعة :)
نبيل
مرسي أوييي
والله أنا عارفة أني مقصرة معاك و مش بقيت بدخل و أعلق و كده :) و مرسي أوييييي يا نبيل
العراااف
ربنا يخليك
يوميات نائمة في الأرياف
معاش يا رنا حقك عليه :( أنا غلطاااانة :) و إنشاء الله مش حغيب تاني :) بس متزعليس بس مواااه
من غير عنوان
مرسييي
أقصوصة
مرسييي أوي ده بس من ذوقك والله
شفقة هانم و إحسان بك
هههه هو الموضوع بالبساطة دي بطلي أكل شكلكلوا بتتريقوا عليه :)))
باربي
أنا جيت أهوو مرسي يا كميلة على سؤالك :))
إرسال تعليق